Maloom hai humko bhi yeh, chahat nahi tujhe pyar ki..
Par dil mera majboor hai, jaanib tere ikraar ki..
Tu chahti hai bas yun hi , har pal meri ye dillagi,
Fir bhi tujhe hai khauf kyun, is bewafa sansaar ki...
Humko bhi iska fakhra hai, ki tu meri mehboob hai..
Tujhe dekhte hi dil kahe, meri dilruba kya khoob hai..
Teri ek jhalak ke waaste, ye dil mera hairaan hai..
Tujhe dekh ke bas yun lage, tu hi mere armaan hai..
Kaise bataun main tujhe, Do boond shabnam ki hai tu,
Duniya ye jaalim kuchh nahi, bas Garam registaan hai..
kyun ik tere deedar ko, har pal tadapta hai ye dil...
jubki ise bhi ilm hai, teri berukhi ke dard ka..
Kyun har ghadi tum iss kadar, rehti mere iss dil mein ho,
jubki tumhe bhi ilm hai, is dillagi ke marj ka..
Ye pyaar nahi toh, hai ye kya
tu hi bata aie janeman,
teri tassavvur mein mera,
kya zikra bhi chalta nahi...
Written By - ***SPS***
No comments:
Post a Comment